Manie en
Elize Potgieter is op 1 Maart 2016 aangestel as die Administrateurspaar van die
Lede in Christus Kerk. Manie is gebore op 7 Junie 1976 in Pretoria en Elize op
28 November 1975 in Ermelo. Hulle word in die huwelik bevestig op 6 Februarie
1999. Twee pragtige kinders, Charlize en Armand, is uit die huwelik gebore. Na
skool, volg beide ‘n loopbaan in die finansiële wêreld. Hulle verwerf die
nodige kwalifikasies en voltooi hul vereiste klerkskap by ouditeursfirmas.
Manie slaag ook die gesogte eksamens vir ‘n Geoktrooieerde Rekenmeester GR(SA).
Vandaar besluit hulle om die ouditomgewing vaarwel te roep en hul loopbane voor
te sit in die kommersiële omgewing, voordat hulle die aanstelling by die Kerk
aanvaar het. Hulle is tans Mede-pastoorspaar by Pretoria-Helderberggemeente.
Hulle gebed vir die Kerk is dat die Here deur die kragdadige werking van Sy
Heilige Gees, siele sal toevoeg tot al die gemeentes soos nog nooit van te vore
nie. Hulle glo dat indien siele vir die koninkryk die hoogste prioriteit
geniet, die Here elke gemeente se finansies en ander behoeftes
dienooreenkomstig sal aanspreek. Hulle glo dat DIE HERE JOU SOVEEL GEE AS
WAARMEE HY JOU KAN VERTROU!